“Зоти олийлари” Трамп Ким Чен Иннинг мактубини твиттерда намойиш қилди
Вашингтон ва Пхеньян ўртасидаги муносабатларнинг янада яхшиланиши АҚШ ва Шимолий Корея етакчиларининг янги учрашувига туртки беради. Бу ҳақда Шимолий Корея етакчиси Ким Чен Иннинг АҚШ президенти Дональд Трампга ёзган мактубида айтилган.
6 июль билан саналанган мактубнинг корейс ва инглиз тилларидаги тўлиқ матни Трамп томонидан твиттерда жойлаштирилган. Унда Ким Чен Ин Трампга зоти олийлари деб мурожаат қилган.
“Сиз зоти олийлари билан биринчи учрашув ва Сингапурда 24 кун аввал биз томондан имзоланган кўшма баёнот ҳақиқатан ҳам муҳим йўлнинг боши бўлди. Сиз зоти олийлари томонидан икки давлат ўртасидаги муносабатларни яхшилаш мақсадида кўрилган шижоатли ноодатий саъй-ҳаракатларни ва қўшма баёнотни виждонан бажаришингизни юқори баҳолайман”, деб айтилган Ким Чен Иннинг Трампга мактубида.
“Мен ишонаманки, КХДР ва АҚШ ўртасидаги янги келажакни яратишга қаратилган ҳамда мен ва сиз зоти олийлари томонимиздан намойиш қилинган кучли ирода, самимий саъй-ҳаракатлар ва ўзига хос ёндашув шак-шубҳасиз ўз мевасини беради. Умид қиламанки, сиз зоти олийларига қатъий ишонч амалий ҳаракатларни қўллаш жараёнида мустаҳкамланади, мен КХДР ва АҚШ муносабатларини илгари суришдаги муҳим юксалиш бизнинг кейинги учрашувимизга олиб келади, деб ишонаман”, деб таъкидлаб ўтган мактубда Ким Чен Ин.
A very nice note from Chairman Kim of North Korea. Great progress being made! pic.twitter.com/6NI6AqL0xt
— Donald J. Trump (@realDonaldTrump) July 12, 2018
12 июнда Сингапурда Трамп ва Ким Чен Ин ўртасида тарихий учрашув бўлиб ўтган. Унинг якунига кўра қўшма баёнот қабул қилинган. Унда Пхеньян Корея яриморолини тўлиқ ядросизлантиришга тайёрлигини эълон қилган, АҚШ эса бунга жавобан Шимолий Кореяга хавфсизлик кафолатини беришни ўз зиммасига олган.
Мавзуга оид
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
14:33 / 10.09.2024
Шимолий Корея ядровий салоҳиятини сезиларли даражада оширади
22:11 / 31.08.2024
Путин Ким Чен Инга 24 бош от совға қилди
13:11 / 28.08.2024