Трамп Путиннинг ашаддий душманига айланишга ваъда берди

Фото: Brendan Smialowski/ AFP/Getty Images

АҚШ президенти Дональд Трамп агар Россия ва АҚШ ўртасидаги муносабатлар яхшиланмаса, унда Россия президенти Владимир Путиннинг ашаддий душманига айланишга ваъда берди. У бу ҳақда CNBC телеканалига берган интервьюсида маълум қилган.

“Барак Обама Москва учун мутлақ балогардон бўлган. Мен эса узоқ йиллар давомидаги бошқа исталган президентдан кўра Россияга нисбатан қаттиққўлроқман. Эҳтимол, ҳар қачонгидан қаттиққўлроқман. Путин билан, Россия билан чиқишиш ижобий ҳол бўлади. Агар бу иш бермаса, унда Путин учун ашаддий душманга айланаман”, деб айтган Трамп.

19 июлда Трамп ўзининг ёрдамчиси Жон Болтондан Путинни Вашингтонга таклиф қилишини сўраган. Ундан аввал Трамп Путин билан янги учрашув кутиб қолишини айтган.