«Бу - дипломатия». Трамп Путин билан нега «юмшоқ» муносабатда бўлганини тушунтирди

Фото: Leonhard Foeger/Reuters

АҚШ президенти Дональд Трамп твиттердаги саҳифасида ОАВнинг Россия президенти Владимир Путинга жуда юмшоқ ёндашувга эга бўлгани борасидаги танқидига жавоб қайтарди.

«Фейк ОАВнинг фикрича, мен Путин билан жуда юмшоқ тарзда гаплашганман», - дея ёзган Трамп.

Унинг сўзларига кўра, аввал бундай ёндашув дипломатия, деб аталган бўларди.

Шунингдек, унинг қўшимча қилишича, агарда у Путин билан ўзини анча «қаттиқ» тутганида, ОАВ акс иддаолар билан чиқиши аниқ эди.

Трампнинг таъкидлашича, бундай «фейк ОАВ» иккиюзламачилик билан шуғулланмоқда.

Эслатиб ўтамиз, аввалроқ америкаликларнинг аксариятига Трампнинг Хельсинкидаги хатти-ҳаракати ёқмагани хабар берилганди.