Ҳэмилтон «Формула-1»нинг Германия босқичи ғолиби бўлди

Фото: ТАСС

“Мерседес” жамоасининг британиялик пойгачиси Льюис Хэмилтон “Формула-1” пойгасининг Германия босқичида 14-ўриндан старт олиб, ғолиб бўлишга муваффақ бўлди.

2-ўринни унинг жамоадоши Валтери Боттас қўлга киритди. Маррага учинчи бўлиб “Феррари” аъзоси Кими Райкконен келди. Бутун пойга давомида етакчилик қилган Себастьян Феттель 52-айланада бошқарувни қўлдан чиқариб, трассадан чиқиб кетган.

Хэмилтон ушбу ғалаба эвазига 188 очко билан умумий жадвалда яна 1-ўринга қайтди. Феттель 171 очко билан 2-ўринга тушиб кетди. 3-ўринни 131 очко билан Райкконен эгалламоқда.