17 млн сўмлик мошни алдаб олиб, пулини бермаган фирибгар ушланди

Иллюстратив фото

Сирдарё вилоятининг Сардоба туманида жиноят юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

25 июль куни тушган ҳужжатларга кўра, шу йил 12 февраль куни “Халқобод” МФЙда яшовчи муқаддам судланган Э.Д. "Қуйитош" МФЙ ҳудудида таниши Ш.А. билан 4 тонна мош маҳсулотини 17 млн 200 минг сўмга савдолашиб, пулини бир ой муддатда беришини айтиб, алдаш йўли билан ишончига кириб, мош маҳсулотини олиб, берган ваъдасини бажармай пулларини ўз эҳтиёжлари учун ишлатиб юборганлиги кўрсатилган.

Кўрилган чоралар натижасида Э.Д. ушланган.