Давлат рақобат қўмитаси Тошкент шаҳар бошқармаси бошлиғи ўзгарди

Фото: Давлат рақобат қўмитаси

Рустам Анварович Аминов Хусусийлаштирилган корхоналарга кўмаклашиш ва рақобатни ривожлантириш Давлат қўмитаси Тошкент шаҳар бошқармаси бошлиғи лавозимига тайинланди. Бу ҳақда Тошкент шаҳар ҳокимлиги матбуот хизмати хабар бермоқда.

У бунга қадар Ўзбекистон Республикаси Хусусийлаштириш, монополиядан чиқариш ва рақобатни ривожлантириш Давлат қўмитаси раиси ўринбосари лавозимида ишлаган.

Рустам Аминов 1978 йил Тошкент шаҳрида туғилган. Тошкент давлат иқтисодиёт университетини тамомлаган (2001).

2013-2014 йилларда - Ўзбекистон Республикаси Хусусийлаштириш, монополиядан чиқариш ва рақобатни ривожлантириш Давлат қўмитаси бошқарма бошлиғи лавозимида, 2014-2014 йилларда - Ўзбекистон Республикаси Хусусийлаштириш, монополиядан чиқариш ва рақобатни ривожлантириш Давлат қўмитасининг Тошкент шаҳар ҳудудий бошқармаси бошлиғи лавозимида ишлаган.