Ягона давлат тестини яратиш таклиф қилинди

Фото: KUN.UZ

“Менинг фикрим” жамоавий мурожаатлар порталида ягона давлат тести ҳақида петиция пайдо бўлди.

Бу ғоянинг вазифаси шундаки, имтиҳон бир вақтда бўлади ва ўша имтиҳонга кирмоқчи бўлган абитуриентлар бир эмас, бирдан 3-4 олий таълим муассасаларига ҳужжат топширишлари мумкин бўлади. Бу ерда тест баллари абитуриент танлаган қайси олий таълим муассасаси балларига тенглашса, ўша таълим муассасасига киради. Бу тизим хорижда, айниқса, Россия Федерациясида синовдан ўтган. Ягона давлат тестларининг кўплаб ижобий томонлари бор, дейилади мурожаатда.

“2019 йилдан Ягона давлат тести орқали олий таълимга кириш имтиҳонларини ўтказишни таклиф қиламиз”, - деб ёзади петиция муаллифи.