Фото: 123RF
Ортиқча вазнга эга инсонлар грипп билан енгил вазнлиларга нисбатан узоқроқ оғришади. Мичиган университети олимлари ана шундай хулосага келишди.
Буни аниқлаш учун улар уч мавсум давомида грипп билан оғриган 1800 нафар кишининг касаллик тарихини ўрганиб чиқишди. Маълум бўлишича, вирус семиз инсонлар организмида 42 фоиз узоқроқ сақланиб тураркан.
Олимлар вазн ортиши иммун реакциясини бузади ва сурункали шамоллаш жараёнини келтириб чиқаради деган тахминга келишди. Шу сабабли вирус инсон организмида узоқроқ сақланиб туради.
