АҚШ Македониядаги «Россия ахборот хуружи»га қарши чоралар кўришни режалаштирмоқда

Америка Қўшма Штатлари аҳолининг медиа саводхонлигини ошириш мақсадида Македонияга 5 миллион доллар ажратмоқчи. Бу ҳақда RT Халқаро тараққиёт бўйича ҳукумат агентлиги (USAID) гранти материалига таяниб хабар бермоқда.

Таъкидланишича, ушбу маблағлар Македонияда оммавий ахборот воситаларининг таҳририят сиёсатида ахлоқий меъёрларни жорий этишга, шунингдек, «мустақил журналистлар» билан ишлашга сарфланади. Бундай чора-тадбирларнинг зарурати бугунги кунда ҳам давом этаётган «ёлғон ахборот тарқатиш» фаолияти анча фаоллашгани билан изоҳланади.

«Россия томонидан қўллаб-қувватланаётган бундай турдаги кампанияларга минтақанинг бошқа мамлакатларидаги нодемократик режимларнинг саъй-ҳаракатлари намуна бўлмоқда», - дейилади баёнотда.