Қозоғистоннинг халқаро захиралари 87,6 млрд долларга етди

Қозоғистоннинг халқаро захиралари ҳажми 2018 йил июль ойида июнь билан солиштирганда 0.61%га, 2017 йил декабрига нисбатан эса 1.58%га камайди ва 87.668 млрд доллар ташкил этди, дея хабар берди “Казинформ”.

Қозоғистон Миллий банкининг маълумотларига кўра, мамлакат ялпи захиралари ҳажми июль ойида 2.62%га ўсди (йил бошидан бери 0.46%) ва 30.886 млрд долларга етди. Шу жумладан, халқаро захиралар 2.67% (+0.51%) ўсишни қайд этиб, 30.388 млрд. АҚШ долларини ташкил этди.
 
Қозоғистон Республикаси Миллий жамғармаси активларининг ҳажми 2.29%га (-2.66%) пасайиб, 56.782 млрд. долларни ташкил этди. Эркин айирбошланадиган валютадаги активлар ҳажми 18.09 млрд. долларни ташкил этиб, ўтган ойга нисбатан 5.41%га ошди (ўтган йилнинг декабрига нисбатан 0.86% пасайиш). Олтин активларининг ҳажми 1.07%га (+2.39%) камайиб, 12.796 млрд. долларга етди.