Хитой давлат кенгаши бош вазири БМТ ва ЖСТни ислоҳ қилишга чақирди

Фото: AP / Andy Wong, File

ХХР давлат кенгаши бош вазири Ли Кэцян БМТ Бош Ассамблеяси 73-сессияси раиси Мария Фернанда Эспиноса Гарсес билан учрашувда БМТ ва ЖСТ каби халқаро ташкилотларни ислоҳ қилишга чақирди.

"ЖСТ, БМТ ва бошқа халқаро ташкилотларни ислоҳ қилиш зарур, аммо ислоҳ қилиш бузиб ташлаб ҳаммасини бошидан бошлаш дегани эмас, Иккинчи жаҳон урушидан сўнг ўрнатилган жаҳон тартибини сақлаб қолиш шартлари, БМТ низоми ва эркин савдо тамойиллари асосида ислоҳотлар ўтказиш зарур", — деди Ли Кэцян.

БМТ Бош Ассамблеяси раиси ўз навбатида "БМТ қоидалар ва ўрнатилган тамойилларга асосланган жаҳон тартибини сақлаш учун Хитой ва дунёнинг бошқа барча давлатлари билан ҳамкорликда ишлашга, халқаро қонунчилик ва ЖСТ қоидалари доирасида эркин савдони ривожлантириш, барча учун манфаатли иқтисодий глобаллашувни илгари суриш, барча томонлар билан биргаликда бутун дунёда тинчлик, барқарорлик, ривожланиш йўлида ҳамкорлик қилиш мақсадида" эканлигини билдирди.

Тайёрлаган: Дилшод Аскаров

#БМТ #ЖСТ #Ли Кэцян