Ҳиндистон янги бомба ва ракетани синовдан ўтказди

Фото: theweek.in

Ҳиндистон бошқарилувчи SAAW бомбаси ва танкларга қарши бошқарилувчи HELINA ракетасини муваффақиятли синовдан ўтказди. Бу ҳақда The Times of India нашри маълум қилди.

Таъкидланишича, SAAW бомбаси ва HELINA ракетаси Ражастон штатидаги полигонларда синовдан ўтказилган.

Маълум қилинишича, бомба белгиланган нишонни аниқ мўлжалга олиб, уни йўқ қилган. Вертолётдан отилган HELINA ракетаси ҳам нишонга аниқ теккан.

SAAW (Smart Anti Airfield Weapon) бомбаси душманнинг учиш-қўниш полосалари ва инфратузилмаси, бункерлар ва бошқа объектларни йўқ қилиш учун мўлжалланган бомба бўлиб, у самолётдан ташланади.

HELINA (Helicopter-launched Nag) – Nag танкларга қарши ракетасининг вертолётдан отишга мўлжалланган варианти ҳисобланади.

#Ҳиндистон #ракета