Қозоғистонга банан қутилари орасида йўлтанламас олиб кирилмоқчи бўлди 

Юк машинаси ҳайдовчиси Россиянинг Волгоградидан Чимкентга Range Rover Vogue йўлтанламасини банан қутилари орасига яширган ҳолда олиб кирмоқчи бўлди.

Жип Iveco Stralis юк машинаси Волгоград вилояти туманларидан бирида чегара назоратидан ўтаётганда аниқланган. Юк машинаси тиркамасида қора рангли Range Rover Vogue аниқланган. У банан қутилари орасига яширилган бўлган.

Ҳайдовчида контрабанда қилинаётган автомобил учун ҳужжат бўлмаган. Машина ким учун мўлжаллангани ноаниқ. Ҳайдовчи полицияга топширилган.