Осиё ўйинлари Ўзбекистон бокс жамоасининг бугун рингга чиққан учинчи вакили ҳам ғалаба қозонди.
-69 кг вазн тоифасида турнирга ташриф буюрган Бобоусмон Батуров чорак финалда жанубий кореялик Лим Ҳюнчулга қарши рингга чиқиб, 5:0 (27:26, 28:25, 27:26, 27:26, 28:25) ҳисобида ғалаба қозонди.
Энди Бобоусмон Батуров Осиё ўйинлари финалига йўлланма олиш учун таиландлик Арде Сайлом билан ярим финалда жанг қилади.
Бундан олдинроқ Ўзбекистон жамоасининг -52 кг вазн тоифасидаги вакили Жасурбек Латипов индонезиялик Сугуро Алдомсни 4:1 ҳисобида, -60 кг вазн тоифаси вакили Шунқор Абдурасулов эса қирғизистонлик Қодирбек Арген улуни 3:2 ҳисобида енгиб ярим финалга чиққанди.
Ярим финал жанглари 31 август кунига белгиланган.
