БМТнинг Сурия бўйича махфий директиваси эълон қилинди

Бирлашган Миллатлар Ташкилотининг Сурия бўйича махфий директивасига кўра, бу мамлакат тикланиши учун амалий ёрдам фақат сиёсий ҳукумат алмашишидан кейин кўрсатилади. Бу ҳақда «Коммерсантъ» хабар берган.

ОАВда эълон қилинган ҳужжатда қайд этилишича, гуманитар ёрдам кўрсатиш зарурати ҳамон Сурия учун муҳимлигича қолмоқда, БМТ мамлакатга гуманитар ёрдамлар жўнатишда давом этмоқда.

Директива матнида Сурияни тиклаш ва ривожлантиришга йўналтирилган тадбирлар ўтказиш бўйича талаблар ҳам акс этган.

Қайд этилишича, директива муаллифи америкалик дипломат, 2018 йилда лавозимдан кетган, БМТ бош котибининг сиёсий масалалар бўйича ўринбосари Жеффри Фелтман бўлиши мумкин.