Ўзбекистон | 18:38 / 04.09.2018
15934
1 дақиқада ўқилади

Абдулла Арипов Дмитрий Медведев билан музокаралар ўтказади

Фото: Sputnik

2018 йил 7 сентябрь куни Москвада Россия бош вазири Дмитрий Медведевнинг Ўзбекистон бош вазири Абдулла Арипов билан учрашуви бўлиб ўтади. Ўзбекистон ҳукумати раҳбари Россияга амалий ташриф билан боради.

Ҳукумат раҳбарлари икки томонлама савдо-иқтисодий, сармоявий ва маданий-гуманитар ҳамкорлик бўйича кенг кўламли масалаларни муҳокама қиладилар. Атом энергияси, саноат, қишлоқ хўжалиги, таълим соҳасидаги ҳамкорликни фаоллаштиришга алоҳида эътибор қаратилади, дея хабар беради Россия ҳукумати матбуот хизмати.

Музокаралардан сўнг Дмитрий Медведев ва Абдулла Арипов раислигида Россия Федерацияси ҳамда Ўзбекистон Республикаси ўртасида иқтисодий ҳамкорлик бўйича Ҳукуматлараро комиссиянинг 19-йиғилиши бўлиб ўтади.

Музокаралар якунида ҳукуматлараро ҳужжатлар имзоланиши кутилмоқда.

Мавзуга оид