Фото: KUN.UZ
Британиянинг The Guardian нашри ўзбек паловини энг яхши кўча таомлари ўнлигига киритди.
«Ўзбекистоннинг қаерида бўлманг, очиқ оловда тайёрланадиган палов мамлакатнинг ҳамма жойида учрайдиган кўча таомига ўхшайди. У асосан гуруч, гўшт ва сабзавотлардан тайёрланади. Тошкентнинг марказий озиқ-овқат бозорида юрар эканмиз, узун ўриндиқда тушлик қилиб ўтирган меҳмондўст ишчилар бизга бу мазали таомдан тотиб кўришни таклиф қилишди. Меҳмондўстликнинг ажойиб намунаси», - дейилади мақолада.
Мазкур рўйхатдан шунингдек, французча қуймоқ, руминча бўғирсоқ, непалча лағмон, мексиканча балиқ ва бангкокча чўчқа гўшти ўрин олган.
