Тошкентда фуқарони кўмир баҳонасида 303 млн сўмга «ухлатиб» кетишди

Иллюстратив фото

Тошкент шаҳрининг Яшнобод туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Шу йил 4 июнь куни ИИБга тушган ҳужжатларга кўра, 2018 йил январь ойида Фарғона вилояти Тошлоқ туманида яшовчи Й.Э. ТХАЙ кўчасида жойлашган «Мустанг» ёқилғи қуйиш шохобчаси олдида Тошкент вилояти Ўрта Чирчиқ туманида яшовчи Б.Э.нинг 420 тонна кўмир маҳсулотини 303 млн 400 минг сўмга баҳолаб, ундан кўмирни олгани ва сотиб юбориб, пулларни бермасдан ўз эҳтиёжлари йўлида ишлатиб юборганлиги кўрсатилган.

Ҳолат юзасидан жиноят иши қўзғатилиб, Й.Э. ушланган. Тергов давом этмоқда.