Facebook сурат ва видеоларда «руслар тарғиботи»ни қидира бошлайди

Фото: РИА Новости

Facebook фотосуратлар ва видеороликлардаги маълумотларнинг тўғрилигини текшира бошлайди. Бу ҳақда The Wall Street Journal ёзмоқда.

Газетанинг таъкидлашича, бундай қадам сохта янгиликлар тарқатаётган «россиялик тарғиботчилар» билан курашишга қаратилган. Facebook’дан маълум қилишларича, фактларни текшириш устида ҳам алгоритмлар, ҳам одамлар ишлайди.

«Нотўғри маълумотлар билан курашиш учун биз барча турдаги контентларда ахборотнинг ишончлилигини текшириб кўришимиз керак», - дея маълум қилди маҳсулотлар бўйича менежер Тесса Лайонс.

Бундан ташқари, фотосуратлар ва видеолардаги нотўғри маълумотлар ҳақида ижтимоий тармоқ фойдаланувчилари ҳам хабар бериши мумкин.

#Россия #Facebook