Жамшид Қўчқоров МДҲ Иқтисодий кенгаши сессиясида қатнашади

Фото: Халқаро Пресс клуб

Ўзбекистон делегацияси Москва шаҳридаги МДҲ Иқтисодий кенгашининг навбатдаги сессиясида қатнашади.

Ўзбекистон Республикаси бош вазири ўринбосари – молия вазири Жамшид Қўчқоров бошчилигидаги делегация 2018 йилнинг 14 сентябрь куни Москва шаҳрида МДҲ Иқтисодий кенгашининг 79-сессиясида иштирок этади.

Мажлисда МДҲга иштирокчи давлатларнинг ҳамкорлик масалалари, жумладан, эркин савдо ҳудуди тўғрисидаги шартнома ва бошқа қатор давлатлараро ҳужжатларнинг бажарилиши муҳокама қилинади.