“МАЗ” “Тошшаҳартрансхизмат”га махсус сертификат берди

“Тошшаҳартрансхизмат” АЖ раҳбарияти Белоруссиянинг “МАЗ” компанияси директори Дмитрий Катеринич билан учрашув ўтказди. Бу ҳақда Тошкент шаҳар ҳокимлиги матбуот хизмати хабар бермоқда.

Учрашувда келгусида истиқболли лойиҳаларни биргаликда амалга ошириш ва ўзаро ҳамкорликни ривожлантириш масалалари муҳокама этилди. Музокараларда “МАЗ” раҳбарияти томонидан “Тошшаҳартрансхизмат” АЖ бошқаруви раисига махсус сертификат топширилди. Унга кўра, сертификат жамият тасарруфидаги “Тошавтотаъмирхизмат” УКга “МАЗ” автомобиллари ҳамда техникаларини таъмирлаш  ва уларга сервис хизмати кўрсатиш ҳуқуқини таъминлайди.

Бундай сертификат Минск автомобиль заводи томонидан “Тошшаҳартрансхизмат” га берилаётган биринчи сертификат ҳисобланади.