Колумбияда ҳайдовчи одамларни уриб юбориши оқибатида 8 киши ҳалок бўлди

Колумбиянинг Гуадуас шаҳрида ҳайдовчи одамларни уриб юбориши оқибатида 8 киши ҳалок бўлди, 10 киши жароҳат олди.

Tiempo порталининг маълум қилишича, машина одамлар аввалроқ музқаймоқ ва йогурт олиб кетаётган иккита автомобил ағдарилиб кетган йўл-транспорт ҳодисасидан кейин йўлга тўкилиб кетган маҳсулотни йиғиб олишаётганда уларни уриб юборган.

Дастлабки маълумотларга кўра, машинанинг тормози ишламай қолган. 4 киши воқеа жойида, яна 4 киши шифохонада жон берган.