Туркия Google’ни 15 миллион доллар жаримага тортди

Фото: РИА Новости

Туркия монополияга қарши қўмитаси мобил қурилмалар учун дастурий таъминот сотиш соҳасида рақобат тўғрисидаги қонунни бузгани учун Google компанияси 93 миллион лира (қарийб 15 миллион доллар) жарима тўлаши кераклиги ҳақида қарор қабул қилди. Бу ҳақда қўмита хабарида айтилмоқда.

"Google, Google International ва Google Reklamcilik компанияларини мобил қурилмалар учун дастурий таъминот сотиш соҳасида рақобат тўғрисидаги қонунни бузгани учун 93 миллион турк лираси миқдорида жаримага тортиш тўғрисида қарор қабул қилинди. Бу компаниялар олти ой ичида мазкур қоидабузарликни бартараф этиши ва бозорда самарали рақобатни тиклаши лозим", — дейилади қўмита хабарида.