Видео: Шаҳрам Ғиёсов ғалабасини яна Роналду услубида нишонлади

Ўзбекистонлик профессионал боксчи Шаҳрам Ғиёсов 22 сентябрь оқшомида Лондондаги «Уэмбли» стадионида ўзининг навбатдаги жангини ўтказиб, никарагуалик Хулио Лагуна устидан ғалабага эришди.

8 раундга мўлжалланган жангнинг тўртинчи раундида Шаҳрам Ғиёсов кучли рақибини рингга қулатганидан сўнг ҳакам жангни тўхтатди ва ўзбекистонлик боксчи  профессионал рингдаги бешинчи жангида бешинчи ғалабасига эришди.

У ўзининг навбатдаги ғалабасини нишонлай туриб, португалиялик футбол юлдузи Криштиану Роналду гол урганда амалга оширадиган хатти-ҳаракатни такрорлади.

Қайд этиш керакки, Ғиёсов 2016 йили Рио-де-Жанейрода ўтказилган Олимпиада давомида ҳам ғалабали жангларидан кейин Криштиану Роналдуга тақлидан ҳаракат қилиб, ўз ғалабасини нишонлаганди.

Boxer Giyasov hilariously mimics Ronaldo's goal celebration after winning first fight on the Joshua-Povetkin undercard at Wembley https://t.co/hNTRIodDwq pic.twitter.com/wfoc0XSexY

— MailOnline Sport (@MailSport) 22 сентября 2018 г.