Ўзбекистонда юқумли бўлмаган касалликлар бўйича концепция тасдиқланади

Ўзбекистонда юқумли бўлмаган касалликлар профилактикаси, соғлом турмуш тарзини қўллаб-қувватлаш ва аҳолининг жисмоний фаоллиги даражасини 2019-2022 йилларда ошириш бўйича концепция тасдиқланади. Бу ҳақда президентнинг тегишли қарори лойиҳасида айтилади.

Концепцияда қуйидагилар билан кураш стратегик устувор аҳамиятга эга бўлади:

а) юқумли бўлмаган касалликлар хатари омиллари:

носоғлом овқатланиш;
кам жисмоний фаоллик;
ортиқча тана массаси;
тамаки ва алкоголь истеъмол қилиш, кальян ва электрон сигареталар чекиш;
қон босимининг юқорилиги, глюкоза ва қондаги холестериннинг юқори даражаси.

б) тўрт гуруҳдаги касалликлар:

юрак-қон томир касалликлари: артериал гипертония, миокард инфаркти; инсульт;
қандли диабет;
нафас олиш органларининг хроник касалликлари; ўпка касалликлари; бронхиал астма;
салбий ўсимталар: ошқозон ости бези саратони, ўпка саратони ва бошқалар.