«Олтин тўп» сўровномасида пешқадам пайдо бўлди

France Football журнали ўз сайтида «Олтин тўп»ни ким олиши ҳақидаги сўровномани эълон қилган эди.

370 мингдан ортиқ ўқувчи овоз берганидан сўнг, сўровномада «Ливерпуль» ҳужумчиси Муҳаммад Салоҳ пешқадам бўлиб олди. У 42% овоз тўплашга муваффақ бўлган.

Иккинчи ўринни 38% овоз билан «Барселона» ҳужумчиси Лионель Месси, учинчи ўринни атиги 7% овоз тўплаган «Ювентус» ҳужумчиси Криштиану Роналду эгаллаб турибди.

ФИФА талқини бўйича йилнинг энг яхши футболчиси деб топилган Лука Модрич, шунингдек, «ПСЖ» ҳужумчилари Неймар ва Килиан Мбаппе 2% овоз тўплашган холос.

Сўровнома давом этмоқда.