Туркманистон билан чегара масаласида учрашув ўтказилди

2018 йилнинг 2-8 октябрь кунлари Туркманистоннинг Туркманобод шаҳрида Ўзбекистон Республикаси ва Туркманистон ўртасидаги Давлат чегарасини делимитация ва демаркация қилиш масалалари бўйича қўшма Ўзбекистон-Туркманистон ҳукуматлараро комиссияси ишчи гуруҳларининг навбатдаги учрашуви бўлиб ўтди.

ТИВ ахборот хизмати хабарига кўра, учрашув давомида Ўзбекистон-Туркманистон давлат чегарасининг алоҳида участкаларида олдинроқ ўтказилган қўшма дала топография-геодезия ишлари натижалари кўриб чиқилди, шунингдек, кейинги дала ишларини ўтказиш муддатлари келишилди.

Учрашув якунига кўра Баённома имзоланди.