Енгил вазн тоифасида Мутлақ жангчилар чемпионатининг (UFC) россиялик чемпиони Ҳабиб Нурмагомедовнинг маълум қилишича, унга WWE рестлинг-промоушндан таклиф келиб тушган.
«WWE уларга келишни сўради. Йигитлар, сизлар нима деб ўйлайсиз?» - дея ёзган Ҳабиб твиттердаги саҳифасида. У постига #SmashLesnar (Брок Леснарни дўппослаш) ва #FakeFights (ҳақиқий бўлмаган жанглар) хэштегларини ҳам қўшиб қўйди.
@WWE ask me to jump inside.
— khabib nurmagomedov (@TeamKhabib) October 12, 2018
What do you think guys? #SmashLesnar #FakeFights
6 октябрь куни Лас-Вегасда Нурмагомедов UFC 229 мусобақаси доирасида енгил вазн тоифасида чемпионлик камарини ҳимоя қилди. Кечанинг асосий жангида у ирландиялик Конор Макгрегорни мағлубиятга учратди.
Эслатиб ўтамиз, аввалроқ Рамзон Қодиров Ҳабиб Нурмагомедовга машина совға қилгани хабар берилганди.
