АҚШнинг Питтсбург шаҳридаги синагогада отишма содир бўлди, ҳалок бўлганлар бор

Фото: Twitter /jimiovino

АҚШнинг Пенсильвания штати Питтсбург шаҳридаги синагогада (яҳудийлар ибодатхонаси) содир бўлган отишмада камида саккиз киши ҳалок бўлди, деб хабар берди BNS News ахборот ресурси.

Маҳаллий KDKA телеканалининг хабар беришича, ҳуқуқни муҳофаза қилиш ходимлари воқеа жойига етиб келишганида улар ҳам ўққа тутилган.

Хабарларда айтилишича, синагога ичида одамлар қамалиб қолган, ўқ узган шахснинг тақдири ҳозирча номаълум.

ОАВ у автоматдан ўқ узганини хабар қилмоқда.