Интернетда Россиянинг янги “келажак вертолёти”нинг илк суратлари эълон қилинди. Ушбу вертолёт “Камов” конструкторлик бюроси томонидан лойиҳаланмоқда.
Суратлар Airbase форумида пайдо бўлган ва вертолёт етарлича юқори баҳо олган.
Scramble Magazine нашрининг конструктор Сергей Михеевга иқтибос келтирган ҳолда маълум қилишича, парраклари “Камов” маҳсулотлари учун анъанавий тарзда – устма-уст жойлашадиган вертолёт стелс-технология қўлланган ҳолда лойиҳаланмоқда, унда йиғилувчи шасси ва ички бўлинмаларда жойлашадиган қурол бўлади.
Вертолёт янги двигателлар ва “ўрдак” аэродинамик схемаси бўйича бажарилган қанотлар олади. Экипаж аъзолари Ка-52 “Аллигатор” вертолётидаги каби икки ўриндиқли кабинада олдинма-кетин ўтиради. Таъкидланишича, вертолёт 700 км/соат тезлик билан уча олади. Машинанинг ҳарбий версиясидан ташқари йўловчи модификацияси ҳам тақдим қилинади.
