Пахта теримини 45 кгдан оширганлар 1 литр ёғ олади

Тошкент вилоятида теримни 45 кгдан оширган пахтакорлар 1 литр ёғ билан рағбатлантирилади. Бу ҳақда 2 ноябрь куни видеоселектор тарзида ўтказилган йиғилишда маълум қилинди.

Тошкент вилояти ҳокимининг айтишича, теримчилар ўсимлик ёғи, мавсумдаги ишларни аъло даражада ташкил қилган раҳбарлар эса хизмат машинаси билан рағбатлантирилади. Йиғилишда таъкидланган рағбат 45 кг пахта учун бериладими, ё 45кгдан ошиқ пахта терган ишчиларгами, бу масалага ойдинлик киритишнинг имкони бўлмади. 

Эслатиб ўтамиз, Хоразм вилоятида қўлга олинган журналист Давлатназар Рўзметов ҳам «ёғ тарқатилиши» масаласи муҳокама этилаётган мажлисда муаммога учрагани айтилганди.