Душанбе ва Тошкент ўз элчихоналарини қуриш учун ер участкалари билан алмашади

Тожикистон парламентининг қуйи палатаси бу ҳафта Тожикистон ва Ўзбекистон ўртасида 2018 йил март ойида имзоланган, Душанбе ва Тошкентда икки мамлакат элчихоналарини қуриш учун ер участкаларини ўзаро ажратиш тўғрисидаги ҳукуматлараро битимни ратификация қилиши мумкин.

Ўзбекистон Тожикистон элчихонаси учун Тошкент шаҳрининг Шайхонтоҳур тумани, Қозоғистоннинг Ўзбекистондаги элчихонаси ёнидан бир гектар ерни қурилиш учун ажратмоқда, деб хабар берди «АП» Тожикистон парламентидаги манбага асосан.

Ўз навбатида, унинг сўзларига кўра, Тожикистон Ўзбекистоннинг Душанбедаги элчихонаси қурилиши учун Россия, Эрон ва Афғонистон элчихоналари ёнидан 1 гектар ер ажратади.

Юқоридаги битим бир неча кун олдин Ўзбекистон парламенти томонидан ратификация қилинди.