Хориждаги ўзбекистонликлар элчихона қабулига онлайн ёзилиши мумкин бўлди

Хориждаги Ўзбекистон ватандошлари учун MyGov портали орқали элчихона қабулига ёзилиш имконияти яратилди.

Фото: Kun.uz

Портал маъмуриятига кўра, энди консуллик хизматларидан фойдаланишда соатлаб навбат кутиш шарт эмас. Илгари элчихонага бориб навбат кутилган бўлса, энди барчасини my.gov.uz орқали ҳал қилиш мумкин.

Хизматдан фойдаланиш тартиби қуйидагича:

my.gov.uz порталига кириб, “Элчихона (консуллик) қабулига ёзилиш” хизмати танланади;
керакли консуллик округини ва хизмат тури белгиланади;
тақвимдаги бўш кун ва соатлардан бирини танлаб, навбат варақаси олинади.

Қабулга ёзилиш хизмати бепул.