Кремль Путин ва Трамп учрашувидан нималар кутаётганини маълум қилди

Россия президенти ёрдамчиси Юрий Ушаковнинг маълум қилишича, Кремль Россия ва АҚШ етакчилари Владимир Путин ҳамда Дональд Трампнинг Аргентинадаги учрашуви нисбатан мазмунли бўлишига умид қилмоқда. Бу ҳақда РИА «Новости» хабар берди.

«Учрашув кўпроқ мазмунга эга бўлишига умид қилмоқдамиз», - дея хабар берди Ушаков.

Унинг қўшимча қилишича, музокаралар якунлари бўйича бирон-бир ҳужжат имзоланиши мумкинлиги ҳақида маълумот ҳозирча йўқ.

Эслатиб ўтамиз, аввалроқ Путин Трамп билан эришилган келишув ҳақида гапирганди.

Россия президенти Владимир Путиннинг маълум қилишича, Парижда америкалик ҳамкасби Дональд Трамп билан Аргентинада бўлиб ўтадиган G20 саммитида учрашиш ҳақида келишиб олган.