G20 давлатлари ярим йил ичида 481 млрд долларлик импортни тақиқлашди

Катта йигирматалик давлатлари май ўртасидан октябрь ўртасигача 481 млрд долларга маҳсулотлар импортини тақиқлашди. Бу ҳақда Жаҳон савдо ташкилотининг докладида айтилган.   

“G20 давлатлари томонидан киритилган янги савдо чекловлари 481 млрд долларга баҳоланган ва ўтган даврга нисбатан 6 марта кўпроқдир ҳамда бундай биринчи ҳисоб-китоблар олиб борилаётган 2012 йилдан бери энг катта кўрсаткичдир”, деб айтилган докладда. 

Докладга кўра, шу билан бирга кўрилаётган давр ичида “импортни енгиллаштириш бўйича чоралар анча кенгайган”. Бу чоралар 216 млрд долларлик савдога тааллуқли бўлган. 

Шу муносабат билан ЖСТ бош директори Роберту Азеведу “докладдаги маълумотлар жиддий ташвиш солишини айтган ва вазиятни юмшатиш бўйича зудлик билан чоралар кўришга чақирган”.