Тошкентда фуқарони 350 млн сўмлик металлга «ухлатишди»

2018 йил 21 ноябрь куни Тошкент шаҳрининг Олмазор туман ИИБга тушган ҳужжатларга кўра, шу йилнинг январь ойида Яккасарой туманида яшовчи У.А. фуқаро Ҳ.Т.га Нурафшон кўчасида янги кўп қаватли уй қураётганлигини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс унга пулини ўн кун ичида беришини айтиб, алдов йўли билан умумий қиймати 350 млн. сўмлик металл маҳсулотларини олиб, берган ваъдасини бажармаган.

Ҳолат юзасидан жиноят иши қўзғатилиб, У.А. ушланган. Тергов ҳаракатлари олиб борилмоқда.