Президент полковникка автомашина, ҳарбий хизматчиларга планшетлар совға қилди

Ўзбекистон Республикаси президенти, Қуролли Кучлар олий бош қўмондони Шавкат Мирзиёев 28 ноябрь куни Чирчиқ дала ўқув майдонида юқори даражадаги жанговар шайликка келтирилган бўлинмаларнинг махсус-тактик машқларини кузатгани хабар қилинганди.

Давлат раҳбари матбуот хизмати хабарига кўра, президент Шавкат Мирзиёев полигон ёнидаги ҳарбий қисмда яратилган шароитларни, қурол-аслаҳа ва техникаларни ҳам кўздан кечирган. Мудофаа тизимида амалга оширилаётган ўзгаришлардан мақсад мамлакат хавфсизлигини мустаҳкамлаш, халқ тинчлигини таъминлаш эканини таъкидлади.

Ватанпарварлиги, профессионаллиги билан алоҳида намуна кўрсатган полковник Қодир Турсуновга автомашина, ҳарбий хизматчиларга планшетлар совға қилинди, дейилади хабарда.