«Барселона» клуби Дортмунднинг «Боруссия» ва Англия терма жамоаси яримҳимоячиси Жейдон Санчо хизматига қизиқиш билдирмоқда.
«Кўк-анорранглилар» 18 ёшли инглизда Лионель Месси ўрнини босиши мумкин бўлган иқтидорни кўришмоқда.
Жорий мавсумда Санчо 13та ўйин ўтказиб, 4та гол урган ва 7та голга ҳаммуаллифлик қилган.
Футболчининг хизматига «Пари Сен-Жермен», «Ювентус», «Манчестер Юнайтед» ва «Арсенал» клублари ҳам қизиқмоқда. Бироқ, Санчони тарбиялаган «Манчестер Сити» клуби уни сотиб олиш ҳуқуқида устунликка эга.