Қўшимча функционаллар
-
Тунги кўриниш
Уайлдер ва Фьюрига такрорий жанг ўтказиш учун рухсат берилди
Фото: AFP/Getty Images
Бутунжаҳон бокс кенгаши (WBC) раҳбарияти америкалик Деонтей Уайлдер ва британиялик Тайсон Фьюри ўртасида супер оғир вазн тоифасида чемпионлик камари учун такрорий жанг ўтказишга овоз берди.
Боксчилар ўртасидаги биринчи жанг 2018 йил 1 декабрь куни бўлиб ўтди ва дуранг натижа билан якунланди.
«Бутунжаҳон бокс кенгашининг бошқарувчилар кенгаши бир овоздан WBC супер оғир вазн тоифасидаги чемпиони Деонтей Уайлдер ва даъвогар Тайсон Фьюри ўртасида такрорий жанг ўтказишга қарор қилди. Улар нафақат дунёга сўнгги вақтлардаги энг яхши жанглардан бирини тақдим этишди, балки жангдан кейин ҳам ўзларини яхши тутишди. Реваншга ишқибозлар катта қизиқиш билдирмоқда», - дея WBC раҳбари Маурисио Сулаймоннинг сўзларини келтиради BoxingScene.
Фьюри ва Уайлдер қаерда ҳамда қачон учрашиши ҳозирча номаълум. Ҳар икки спортчи ҳам профессионал рингда мағлубиятга учрамаган. Уайлдер 39 ғалаба, битта дурангга эга бўлса, Фьюри - 27 ғалаба ҳамда бир дуранг.
Мавзуга оид
11:03 / 16.11.2024
Бокс. Афсонавий Майк Тайсон блогер Жейк Полга мағлуб бўлди
17:23 / 04.11.2024
Ўзбекистон – World Boxing ташкилоти аъзосига айланди
09:34 / 03.11.2024
Бектемир Мелиқўзиев оғир кечган жангда очколар ҳисобига кўра ғалаба қозонди
10:17 / 09.10.2024