Алмати шаҳрида тезкор шахмат бўйича заиф эшитувчилар ўртасида халқаро мусобақа ташкил қилинди, деб хабар беради Миллий олимпия қўмитаси ахборот хизмати.
Турнир швейцарча тизимда ташкил этилди ва 9 раунддан иборат бўлди. Унда Ўзбекистон, Қирғизистон, Беларусь ва Қозоғистондан 33 нафар спортчи иштирок этди. Мукофот жамғармаси эса 350 минг тенгега тенг бўлди.
Мусобақада ўзбекистонлик FIDE устаси Сирожиддин Зайниддинов 9 имкониятдан 7,5 очко жамғарди ва ғолибликни қўлга киритди. Мезбон спортчи Амангелди Науризгалиев иккинчи бўлган бўлса, кучли учликка қирғизистонлик Эдуард Ким якун ясади.
Маълумот учун, икки карра жаҳон чемпиони ҳисобланувчи Сирожиддин 2018 йил заиф эшитувчилар ўртасида Буюк Британияда ўтказилган очиқ мусобақада ҳам ғолиб бўлганди. Шунингдек, шу йил ёзда Ўзбекистон президенти Шавкат Мирзиёев унга Тошкент шаҳридан уй совға қилган.
