12 декабрь оқшомида кузатилаётган ноқулай об-ҳаво шароити туфайли Тошкент, Фарғона, Урганч ва Нукус шаҳарларидаги халқаро аэропортлар вақтинча парвозларни қабул қилмаяпти. Бу ҳақда «Ўзбекистон ҳаво йўллари» МАК ахборот хизмати хабар бермоқда.
«Метео ҳолат ўзгармагунча, қуюқ туман туфайли аэропортлар ёпиқ бўлади. Ушбу шаҳарлардаги барча рейслар энг яқин аэропортларга юборилади», - дейилади хабарда.
Бундан аввал, 28 ноябрдан 29 ноябрга ўтар кечаси Тошкент шаҳрини қуюқ туман қоплаб олгани туфайли Ислом Каримов номидаги Тошкент халқаро аэропортига қўнаётган самолётлар бошқа яқин аэропортларга йўналтирилганди.
