Беларусь президенти Александр Лукашенконинг маълум қилишича, Россия етакчиси Владимир Путин билан яна бир бор учрашиш ниятида. Бу ҳақда РИА Новости хабар берди. У бу ҳақда Россия оммавий ахборот воситалари вакиллари билан Минскдаги учрашувда айтиб ўтди.
Унинг сўзларига кўра, икки давлат ўртасидаги муносабатларда мавжуд бўлган айрим муаммоли масалаларни муҳокама қилмоқчи.
«Очиғини айтадиган бўлсам, биз Беларусь - Россия ўзаро ҳаракатлари якунларини сарҳисоб қилишга тайёргарлик кўрдик. Бироқ, саволлар ҳали ҳам бор. Яқин келажакда, россиялик ҳамкасбим билан биргаликда уларни ҳал қилишга уриниб кўрамиз», - дея қайд этиб ўтди Лукашенко.
Эслатиб ўтамиз, аввалроқ Лукашенко ва Путин газ нархи ҳақида тортишиб қолгани хабар берилганди.
Шундан сўнг Кремль Путин ва Лукашенконинг газ бўйича тортишувига изоҳ берди.
