2018 йилнинг 13-19 декабрь кунлари Туркманобод шаҳрида Ўзбекистон Республикаси ва Туркманистон ўртасидаги Давлат чегарасини делимитация ва демаркация қилиш бўйича Ўзбекистон-Туркманистон ҳукуматлараро қўшма комиссияси ишчи гуруҳларининг учрашуви бўлиб ўтди.
ТИВ хабарига кўра, музокаралар чоғида Ўзбекистон-Туркманистон давлат чегараси участкасида амалга оширилган қўшма дала топографик-геодезия ишлари натижалари кўриб чиқилди, 2018 йилда бажарилган ишлар сарҳисоб қилинди ҳамда 2019 йилдаги учрашувларнинг режа-жадвали келишиб олинди.
Ўзбекистон-Туркманистон давлат чегарасини демаркацияси қилишнинг норматив ҳужжатлари лойиҳалари устидаги ишлар якунланди.
Учрашув анъанавий дўстлик ва ҳамфикрлилик руҳида бўлиб ўтди. Музокаралар якунида Баённома имзоланди, дейилади хабарда.
