Наманганда талаба табиий газдан заҳарланиб, воқеа жойида вафот этди

2018 йил 24 декабрь куни вақтинча Наманган шаҳар 3-микрорайонда яшаган, Наманган Қурилиш институтининг юқори курс талабаси Ш.Т. уйи ошхонасида газ плитасидан сизиб чиққан табиий газдан заҳарланган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у воқеа жойида вафот этган.

Суриштирув ишлари олиб борилмоқда, дейилади хабарда.