Месси 400та гол маррасига Роналдудан тезроқ етиб олди

Фото: AP

Испания чемпионати пешқадами «Барселона» 19-турда «Эйбар»ни қабул қилди ва 3:0 ҳисобида ғалаба қозонди. Учрашувда Луис Суарес дубль қайд этган бўлса, жамоа сардори Лионель Месси бир марта ўз номини таблога ёздириб қўйди.

Ушбу гол аргентиналик футболчининг Ла Лигадаги 400-голи бўлди. Энди у Примерада 400та гол урган биринчи футболчи сифатида тарихда қолади. Ушбу натижага эришиш учун Месси 435та учрашув ўтказишига тўғри келган.

Испания чемпионати тўпурарлари рўйхатидан иккинчи бўлиб «Реал»нинг собиқ ҳужумчиси Криштиану Роналду жой олган. Унинг ҳисобида 311та гол бор.