Фото: Zuma\TASS
“КАМАЗ-мастер” жамоасининг Эдуард Николаев бошчилигидаги экипажи “Дакар-2019” пойгасининг юк машиналар орасида ғолиби бўлди.
Ғолиб пойганинг Перуда ўтган 10-босқичида аниқланди. Бу босқични “Ивеко” экипажи ютган. Бироқ бу Николаевга умумий ҳисобда етакчиликни сақлаб қолишига халақит қилмаган.
2-ўринни “КАМАЗ”нинг Дмитрий Сотников бошчилигидаги яна бир экипажи эгаллаган.
Бундан аввалроқ “КАМАЗ”нинг яна иккита экипажи турли сабабларга кўра пойгадан чиқиб кетганди.
Таъкидлаш жоизки, ушбу ғалаба Николаевнинг қаторасига учинчи ғалабасидир: у 2017 ва 2018 йилларда ҳам пойгада ғалаба қозонган. Россиялик пойгачи 2013 йилда ҳам пойга ғолиби бўлган.
