Dyson компанияси асосчиси энг бой британияликлар рейтингида етакчи бўлди

Чангюткичлар ишлаб чиқарувчи Dyson Ltd. компанияси асосчиси Жеймс Дайсон Буюк Британиянинг энг бой кишиси бўлди, деб хабар берди Блумберг агентлиги.

Дайсон Ineos кимё холдинги эгаси, 13,1 миллиард доллар бойлиги бўлган Жим Редклиффни биринчи поғонадан тушириб юборди.

Агентликнинг ҳисоб-китобларига кўра, 2019 йил бошидан буён Дайсоннинг бойлиги 4,52 миллиард долларга ўсган.  

Компания 2018 йил якунларига кўра, 1,1 миллиард фунт стерлинг (1,4 миллиард доллар) даромад топган.

Ҳозирда Дайсоннинг бойлиги 13,8 миллиард доллар деб баҳоланмоқда.