Япониядаги бир нечта компанияга заҳарли модда солинган мактублар жўнатилди

Фото: REUTERS/Toru Hanai

Япония полицияси мамлакатдаги тўққизта компанияга цианидли калий солинган мактублар жўнатилиши юзасидан текширув бошлади. Бу ҳақда NHK телеканали хабар берди.

Ичида заҳарли модда бўлган конвертлар Токио ва Осакадаги фармацевтика фирмалари офисларига, Саппоро шаҳридаги озиқ-овқат компаниясига, Mainichi Shimbun газетаси таҳририятига жўнатилган. Терговчилар мактублар ичида цианид аралаштирилган кукун борлигини аниқлаган.

Бир нечта мактуб "Аум Синрикё" экстремистик ташкилоти асосчиси Тидзуо Мацумото номидан жўнатилган. У ўтган йили қатл қилинганди.