Бирлашган Араб Амирликларида Осиё Кубоги якунига етди. Финалда Япония ва Қатар терма жамоалари беллашди.
Ўйин тенг курашлар остида ўтган бўлса-да, қатарликлар ўз имкониятларидан унумлироқ фойдаланиб қолишди ва 3:1 ҳисобида ғалаба қозонишди.
12-дақиқада мусобақа тўпурари Али Алмуъиз қайчи услубида зарба йўллаб, Япония дарвозасига тўп киритди. Орадан 15 дақиқа ўтгач, Ҳатим узоқ масофадан йўлланган зарба натижасида чиройли гол уриб, ҳисобдаги фарқни оширди. 69-дақиқада Минамино дарвозабон билан юзма-юз чиқиб, яқин масофадан тўпни унинг устидан ошириб, дарвозага киритди. 83-дақиқада Афиф пенальтини аниқ амалга ошириб, якуний ҳисобнинг 3:1 бўлишини таъминлади.
Натижада, Қатар терма жамоаси ўз тарихида илк маротаба Осиё чемпиони бўлди.
Қайд қилиш жоизки, баҳсни ҳамюртимиз Равшан Эрматов бош ҳакам сифатида бошқариб борди.
Осиё Кубоги
Финал
1 февраль
Япония – Қатар 1:3 (0:2, 1:1)
Голлар: Минамино (69) - Алмуъиз (12), Ҳатим (27), Афиф (83 пен)
Япония: Гонда, Нагатомо, Томиясу, Шиотани, Сакаи, Ёшида, Шибасаки, Ҳарагучи, Минамино, Доан, Осако
Қатар: Аш-Шиб, Корреа, Ҳасан, Салмон, Ар-Ровий, Мадибо, Ҳатим, Хухий, Ал-Ҳайдос, Афиф, Алмуъиз
Огоҳлантиришлар: Шибасаки (20), Ёшида (82), Сакаи (86) - Афиф (84), Корреа (90+3)
