Мисрда 50 мумиё жойланган мақбара топилди

Мисрлик археологлар Птолемейлар сулоласи даврига мансуб (эрамиздан аввалги IV—I асрлар), 50та мумиё жой олган улкан сағанани топишди. Бу ҳақда Миср Қадимшунослик вазирлиги хабар тарқатган.

Ҳукумат ушбу топилма археологларнинг 2019 йилдаги илк йирик топилмаси эканини қайд этган.

Мақбара мамлакат пойтахти Қоҳирадан жанубда жойлашган Ал-Миня вилояти ҳудудидан топилган. Туна-ал-Габал туманидаги мақбара ичида 20 метр узунликдаги хона бўлиб, унинг ичига бир оила аъзолари дафн қилинган.

Археологларнинг сўзларига кўра, мумиёлар турли ёш ва жинслардаги одамларга тегишли бўлиб, 12та мумиё болаларникидир. Мутахассислар уларнинг исмлари ифодаланган иероглифларни топишмаган. Лекин бу оила ўша даврдаги юқори табақага мансуб оила бўлгани тахмин қилинмоқда.